Eskerrik asko Derandein Mendi Martxaren VI. edizioan parte hartzeagatik!

Atzo, urriak 6, gure Derandein Mendi Martxaren VI. edizioa ospatu genuen. Beste behin ere, eguraldia lagun izan genuen eta naturan eta oso giro onean gozatzeko aukera izan genuen ere. Edizio honetan, adin guztietako pertsona asko etorri zineten, ehun lagun baino gehiago! Espero dugu ibilbideaz zein Yalens Tavern-en egindako topaketaz gozatu izana, Derandein Fundazioko taldekideok egin genuen bezala.

Dakizuenez, Derandein Fundazioarentzat ekitaldi hau oso garrantzitsua da Amorebieta-Etxanoarekin daukagun lotura estuagatik. Lanean jarraituko dugu Derandeinetik egiten dugun lana herritarrei hurbiltzeko eta Afrikan dihardugun testuinguruetan zaurgarritasun egoeran dauden kolektiboen errealitatea helarazteko. Aurten, ibilbidea aprobetxatu dugu "Osasun Menstruala, ez da osasun kontua soilik" izeneko erakusketa aurkezteko. Bertan, mundu osoko osasun menstrualaren egoera ezagutzera gonbidatzen zaitugu, bereziki Saharaz hegoaldeko Afrikan, eta baita, osasun eta higiene menstrual txarrek nesken eta emakumeen bizitzetan, eta hezkuntzan, besteak beste, dituzten ondorioak ezagutzera ere. Interesa duten pertsona guztiek bisita dezakete erakusketa hau gure webgunean, esteka honen bidez: https://www.derandein.org/saludmenstrual?lang=eu

Eskerrak eman nahi dizkiogu Amorebieta-Etxanoko Udalari, ekitaldiaren berri ematen laguntzeagatik, Yalens Tavern jatetxeari bere lokala eta zerbitzua eskaintzeagatik, Izar Cutting Tools bezalako entitateei, haien laguntzagatik eta gure ohiko Derandein Mendi Martxa beste urte batez aurrera eraman ahal izateko lagundu duzuen boluntario guztiei.

Mendi Martxaren argazki batzuk partekatzen dizkizuegu. Datorren urtera arte!